Oral qalasynda iri qoıma órtenip ketti
BQO TJ departamentiniń baspasóz qyzmeti málim etkenindeı, oqıǵa 10 qyrkúıek kúni qalaǵa qarasty Jelaev kentinde boldy.
Saǵat 02.12-de qoımanyń janyp jatqany jóninde habar tústi.
Oqıǵany barlaý barysynda «Alı» JK aýmaǵynda metall konstrýktsııalarynan jasalǵan, negizgi qoımaǵa japsarlas ornalasqan qoıma jáne qaıta óńdeý ornyna jóneltý úshin jınalyp qoıylǵan makýlatýranyń órtenip jatqany anyqtaldy.
Órttiń aýmaǵy 648 sharshy metrdi qurady.
Oqıǵa ornynan syıymdylyǵy 40 lıtrlik 4 ottegi, 50 lıtrlik 1 gaz ballony, sondaı-aq 1 avtotıegish der kezinde shyǵaryldy.
Qaza bolǵandar men zardap shekkender joq.
«Tilsiz jaý» BQO TJ departamentiniń kúshimen (29 qyzmetker, 9 tehnıka) saǵat 06.36-da tolyqtaı aýyzdyqtaldy.
Eske sala keteıik, budan buryn BQO-da janarmaı stansasy mańynda avtokólik órtenip ketkenin jazǵan bolatynbyz.
Sondaı-aq Oralda joǵalyp ketken 65 jastaǵy er adamnyń úsh kúnnen keıin denesi tabyldy.
