Oral qalasynda «El yrysy» bazary órtendi

ORAL. QazAqparat – Oral qalasynda «El yrysy» bazarynda órt shyqty, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 6 aqpan kúni saǵat 12.45-te boldy.

Syrym Datuly kóshesinde ornalasqan «El yrysy» bazarynda aýmaǵy 145 sharshy metrdi qamtyǵan órtten tamaq jáne qurylys zattaryn satatyn 5 saýda býtıgi janyp ketti.

Sondaı-aq 7 býtıktiń shatyry jandy.

«Tilsiz jaý» saǵat 14.48-de tolyqtaı aýyzdyqtaldy.

Órtti sóndirýge jeke quramnan 40 qyzmetker 8 tehnıkamen jumyldyryldy.

Qazirgi kezde keltirilgen shyǵyn, kináli adamdar anyqtalý ústinde.

Eske sala keteıik, budan buryn Oralda 22 jastaǵy kelinshekti óltirip, máıitin órtep jibergen turǵynǵa úkim shyqqanyn jazǵan bolatynbyz.