Oral qalasynda dárigerge ýaqytynda qaralmaǵan áıel qaıtys boldy
ASTANA. QazAqparat - Oral qalasy turǵynynyń ýaqytynda dárigerge qaralmaýy úsh balasynyń anasyz qalýyna sebep boldy. Bul jaıly Batys Qazaqstannyń qoǵamdyq densaýlyq saqtaý departamentiniń basshysy Jaıdar Qurmanov málim etti, dep jazady «Ýralskaıa nedelıa».
«Eger olar (Ótepqalıevter otbasy) ýaqytynda jedel járdem shaqyrsa, áıel aman qalar edi. Dárigerler tym kesh shaqyrylǵandyqtan, úsh balanyń anasy jan tásilim etti», - deıdi Jaıdar Qurmanov.
Onyń aıtýynsha, otbasynyń aýrý juqtyrýshysy áıeldiń ózi bolǵan. Alaıda, onyń salmonellez vırýsyn qaıdan juqtyrǵany belgisiz.
«Biz, balalardyń aıtýy boıynsha, olar azyq-túlik satyp alǵan dúkendegi tartylǵan etke tekserý júrgizdik. Alaıda, satyp alǵan ette salmonellez anyqtalmady. Júrgizgen tekseris Ótepqalıevter otbasy satyp alǵan tartylǵan etten basqasyna jasalǵanyn aıta ketý kerek», - dedi oblystyń qoǵamdyq densaýlyq departamentiniń basshysy.
