Oral qalasynda bir kúnde eki úı órtendi

ORAL. QazAqparat - Oralda bir kúnde eki úıde órt boldy, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, 18 mamyr kúni s aǵat 16.57-de Q.Amanjolov kóshesindegi 16-úıde jalpy aýdany 120 sharshy metr, alty otbasyna eseptelgen barak tıptes bir qabatty úıdiń jabyny men shatyry jandy.

Órt sondaı-aq kórshiles ornalasqan Q.Amanjolov kóshesindegi 14-úıdi (15 sharshy metr) jáne E.Pýgachev kóshesindegi 33-úıdiń qora-qopsysyn (10 sharshy metr) sharpydy.

«Tilsiz jaýdy» aýyzdyqtaýǵa 18 adam, 5 tehnıka jumyldyryldy. Órt saǵat 18.46-da tolyqtaı sóndirildi.

Sonymen qatar saǵat 21.17-de 4-shaǵynaýdanda 10-úıdiń úshinshi qabatynda 88-páterdiń balkony otqa orandy. Bul órt saǵat 21.33-te oqshaýlandy.

Eske sala keteıik, budan buryn Oralda iri qoımada órt shyqqanyn.