Oral qalasynda «Báıterek» jabyq bazary órtenip jatyr

ASTANA. QazAqparat – Oral qalasynda «Báıterek» jabyq bazary órtenip jatyr, dep habarlaıdy QazAqparat tilshisi.

BQO TJ departamentiniń baspasóz qyzmetinen málim etkenindeı, oqıǵa 4 maýsym kúni Ábilqaıyr han dańǵyly 80/2-mekenjaıynda boldy.

«Saǵat 22.53-te «Báıterek» jabyq bazarynyń saýda pavılony janyp jatqany jóninde habar túsken. Oqıǵa ornynda órt sóndirý bólimderinen 23 adam 5 tehnıkamen jumys istep jatyr. Órttiń neden shyqqany, jalynnyń qansha aýmaqty sharpyǵany anyqtalý ústinde», dep habarlady vedomstvodan.

Eske sala keteıik, budan buryn BQO-da belgisiz bireýdiń «Toıota Kamrı» avtokóligin jaǵyp jibergenin jazǵan edik.