Oral qalasynda 6 myńnan astam abonent elektr jaryǵynsyz qaldy
«Batys Qazaqstan elektr jelilerin taratý kompanııasy» JShS málimetine qaraǵanda, Derkól jáne Zachagan kenti, «Teleortalyq», «Eski áýejaı», «Qurylysshy» shaǵynaýdandarynda elektr jelileri apattyq jaǵdaıda ajyratyldy.
Qala boıynsha barlyǵy 6 321 abonent elektr jaryǵynsyz qaldy.
Turǵyndar sonymen qatar jol qatynasynda da qıyndyq týyndaǵanyn habarlap jatyr.
Oral qalasy ákiminiń baspasóz qyzmeti málim etkenindeı, qazirgi tańda shaharda «Batys Qazaqstan elektr jelilerin taratý kompanııasy» JShS-nyń 8 apattyq brıgadasy jumys jasaýda. Oǵan qosa 2 birlesken dıspetcherlik qyzmet elektrge qosýmen aınalysýda. Barlyǵy 10 brıgada is ústinde.
Sondaı-aq Oralda qar tazartý jumystary júrgizilip jatyr.
Eske sala keteıik, budan buryn Oral qalasynda alǵashqy qar jaýǵanyn jazǵan bolatynbyz.