Oral qalasynan memlekettik bıýdjetke 89 mlrd. teńge tústi

ORAL. QazAqparat - Oral qalasynyń 2016 jylǵy bıýdjeti 31,2 mlrd. teńgeni qurady, bul aldyńǵy jylǵydan (26,5 mlrd. teńge) 18 paıyzǵa artyq, dep habarlaıdy «QazAqparat» HAA tilshisi.

Oral qalasy ákimdiginen túsken málimetke qaraǵanda, qarjynyń 5 mlrd. teńgege ósý sebebi respýblıkalyq (2 mlrd. teńge) jáne oblystyq (3 mlrd. teńge) bıýdjetten kelgen qosymsha transfertke baılanysty.

Jyl qorytyndysyna sáıkes qala boıynsha memlekettik bıýdjetke 89 mlrd. teńge shamasynda tústi, bul 2015 jylǵydan (68,3 mlrd. teńge) 30 paıyzǵa kóp. Sonyń ishinde respýblıkalyq bıýdjet enshisi - 73 paıyz (64,7 mlrd. teńge), oblystiki - 8 paıyz (7,6 mlrd. teńge), shahardiki - 19 paıyz (16,7 mlrd. teńge).

2015 jylmen salystyrǵanda, bıýdjet kirisiniń 130 paıyz quraǵanyn aıta ketý kerek. Sonyń ishinde respýblıkalyq salyqtar boıynsha - 142 paıyz, retteletin salyqtar boıynsha - 121 paıyz. Bul salyqtyq túsimderdiń eleýli túrde óskendigin kórsetedi.

Qala bıýdjetiniń negizgi bóligi áleýmettik (52,4 paıyz, 16,3 mlrd. teńge), turǵyn úı-kommýnaldyq sharýashylyq (20 paıyz, 6,3 mlrd. teńge) jáne qurylys (19 paıyz, 6,1 mlrd. teńge) salasyna jumsaldy.