Oral qalasyna eldi meken turǵyndarynyń kelýine shekteý engizildi
«Sońǵy aptada oblysta aýrýdyń 1 067 jańa jaǵdaıy tirkelip otyr. Ótken aptamen salystyrǵanda aýrý kórsetkishiniń 20 paıyzǵa tómendegendigi baıqalady. Aýrýǵa shaldyqqandardy anyqtaý maqsatynda oblystaǵy 13 zerthanada táýligine 2 myńnan astam PTR testileý jasalady. Oblys «qyzyl» aımaqta 1 aıdan astam ýaqyt bolǵanyn eskere otyryp, karantındik shekteý is-sharalary kúsheıtildi. Meıram kúnderi eldi mekenderdegi turǵyndardyń oblys ortalyǵyna kelýin azaıtý maqsatynda Oral qalasynda jáne «qyzyl» aımaqtaǵy 6 aýdanda 1 mamyrdan bastap 21 blokbeket ornatyldy», - dedi ol.
Onyń atap ótýinshe, bul shekteý túri bıznes sýbektileriniń jumysyna kedergi keltirmeıdi. Atalǵan blokbeketterdiń jumysy stopcovid.kz saıty jáne «109» qyzmeti arqyly tolyqtaı avtomattandyrylǵan.
«Bul is-sharalar oblys ortalyǵyna qatynaıtyn turǵyndar sanyn 35 paıyzǵa deıin azaıtyp, adam kóp jınalatyn is-sharalardy qysqartýǵa múmkindik berip otyr. Monıtorıng toptar kúndelikti reıdterin jalǵastyrýda. 1 sáýirden beri monıtorıng top músheleri 665 ret reıdke shyǵyp, 3,5 myńnan astam nysandy tekserdi. 12 meıramhananyń jumysy 3 aıǵa toqtatyldy. Sońǵy aptada 1,9 mln teńgege 34 hattama toltyryldy», - dedi Ǵalı Esqalıev.
Sonymen qatar ol óńirde vaktsınatsııalaý jumysy qarqydy júrgizilip jatqanyn, oblysqa vaktsınanyń 84 myń dozasy jetkizilip, 1 komponentimen 45 205, ekinshi komponentpen 14 593 adam ekpe alǵanyn aıtty.
