Oral qalasy polıtsııa basqarmasy bastyǵynyń orynbasary para aldy degen kúdikpen ustaldy

ORAL. QazAqparat - Oral qalasy polıtsııa basqarmasy bastyǵynyń orynbasary para aldy degen kúdikpen ustaldy, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, qazirgi kezde QR QK 366-babyna (para alý) sáıkes sotqa deıingi tergeý amaldary júrgizilýde.

Kúdikti ýaqytsha ustaý ızolıatoryna qamaldy.

«QR Іshki ister mınıstrligi laýazymy men ataǵyna qaramastan, polıtseıler jol bergen paraqorlyq jáne azamattardyń quqyǵyn buzý faktileriniń budan bylaı da qatań túrde jolyn kesetin bolady. Olardyń mundaı áreketi Qazaqstan halqyna adal qyzmet etýi tıis polıtseılerdiń abyroıyna. nuqsan keltiredi. Bul baǵyttaǵy jumystar jalǵasyn tabady», dep habarlady vedomstvodan.

Eske sala keteıik, budan buryn BQO-da 10 mln teńgeniń múlkin jymqyrǵan qaraǵandylyq turǵyndardyń ustalǵanyn jazǵan bolatynbyz.