Oral qalasy mańyndaǵy orman arasynan áıel adamnyń múrdesi tabyldy
ORAL. QazAqparat – Oral qalasy mańyndaǵy orman arasynan áıel adamnyń múrdesi tabyldy, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, 1981 jylǵy áıeldiń denesi qalaǵa qarasty Serebrıakov kentinen 7 shaqyrym jerde 18 sáýir kúni saǵat 17.00-de tabylǵan.
Marqumnyń denesinde zorlyq-zombylyq belgileri bolmaǵan.
Ólimniń sebebin anyqtaý úshin múrde sot-medıtsınalyq saraptamaǵa jiberildi.
«Áıelmen sońǵy ret baılanysta bolǵan 1992 jylǵy er adam anyqtaldy. Sot-medıtsınalyq saraptama qorytyndysynan keıin túpkilikti protsessýaldyq sheshim qabyldanatyn bolady», dedi QazAqparat tilshisine B.Belgibekov.
Aıta keteıik, áıel qalaǵa qarasty Krýgloozernyı kentinde turǵan. Aýyl turǵyndarynyń sózine qaraǵanda, marqum erteń jer qoınyna beriledi.
