Oral qalasy mańynda orman órtendi
ORAL. QazAqparat – Oral qalasy mańynda qurǵaq shóp pen orman órtendi, dep habarlaıdy QazAqparat tilshisi.
BQO TJD bastyǵy, general-maıor Jasulan Jumashevtiń málim etkenindeı, oqıǵa 30 sáýir kúni Zachagan kentindegi «ıAık-1» baý-baqsha seriktestigi aýdanynda saǵat 15.00-de oryn aldy.
Aldymen 7 gektardaı jerdiń qurǵaq shóbi janyp, ol orman órtine ulasty. Munda 2 gektardaı jerdi qamtydy.
«Tilsiz jaýdy» aýyzdyqtaýǵa 64 qyzmetker, 15 tehnıka jumyldyryldy.
Sondaı-aq Zachagan men Krýgloozernyı kentterinen aldaǵy ýaqytta órttiń aldyn alý úshin jer jyrtatyn tehnıkalar tartyldy.
Zardap shekkender joq. Órt sóndirýshilerdiń jedel qımyldaýy nátıjesinde eldi mekenderge qaýip tóngen joq.
Aldyn ala málimet boıynsha tabıǵı órt adamdardyń otpen abaı bolmaýy saldarynan shyqqan. Osy mańda turatyn turǵyndar men saıajaı ıeleriniń sózine qaraǵanda, qaladan kelgen adamdar alaý jaqqan. Sodan keıin baqylamaı, ketip qalǵan. Kúshti jel órttiń órshı túsýine sebep bolǵan.
«Kúnniń jylynýyna baılanysty tabıǵı órt qaýpi molaıa túsedi. Sondyqtan oblys turǵyndaryn órt qaýipsizdigi erejelerin qatań saqtaýǵa shaqyramyz. Ruqsat almaı, turmystyq qaldyqtar men qurǵaq shópti jaǵý derekteri anyqtalǵan jaǵdaıda kinálilerge ákimshilik shara qoldanylady», dedi J.Jumashev.
Eske sala keteıik, budan buryn Oralda órt sóndirýshilerdiń ottyń ortasynan eki gaz ballonyn alyp shyqqanyn jazǵan bolatynbyz.
