Oral qalasy mańynda orman alqaby janyp jatyr
ORAL. QazAqparat – Oral qalasy mańynda orman alqaby janyp jatyr, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, órt 17 shilde kúni keshkisin bastaldy.
Qala mańyndaǵy 2-saıajaı aýmaǵyndaǵy «Ýrojaınyı» saıajaı qoǵamynan 5 km jerde 4 ga orman alqaby men 8 ga jerde qurǵaq shóp órtendi.
Qazirgi tańda «tilsiz jaýdy» aýyzdyqtaýǵa BQO TJ departamentinen 75 qyzmetker, 17 tehnıka, erikti órt sóndirý qurylymynan 5 adam, 5 tehnıka, orman sharýashylyǵynan 8 adam, 1 tehnıka, polıtsııa departamentinen 6 qyzmetker, 3 tehnıka jumyldyrylǵan.
Eske sala keteıik, budan buryn BQO-da birneshe kúnge sozylǵan orman órti sóndirilgenin jazǵan bolatynbyz.
