Oral qalasy mańynda orman alqaby órtendi
ORAL. QazAqparat - Oral qalasy mańynda orman alqaby órtendi, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 14 qazan kúni saǵat 17.51-de 1-saıajaı aýdanynda boldy.
Oral orman jáne janýarlar dúnıesin qorǵaý jónindegi kommýnaldyq memlekettik mekemesi aýmaǵynda 7 gektar qurǵaq shóp jáne 8 gektar orman alqaby (qaıyń, qaraaǵash) otqa orandy.
Jel ekpini (sekýndyna 8-10 metr) órtti sóndirýdi qıyndata túsýde.
Órt saǵat 19.11-de oqshaýlandy.
«Tilsiz jaýdy» aýyzdyqtaýǵa TJ departamenti (35 qyzmetker, 7 tehnıka), orman sharýashylyǵy mekemesi (5 qyzmetker, 1 tehnıka) jumyldyryldy.
Órt sóndirý jumystary jalǵasýda.
Eske sala keteıik, budan buryn Oralda eki turǵyn úıde órt bolyp, 17 adamnyń evakýatsııalanǵanyn jazǵan bolatynbyz.
