Oral qalasy emhanalarynda elektrondy kezek ornatyldy
ORAL. QazAqparat - Oral qalasynyń barlyq emhanalarynda «Elektrondy kezek» jobasy engizildi, dep habarlaıdy QazAqparat.
Oblystyq densaýlyq saqtaý basqarmasy basshysynyń orynbasary Mánshúk Aımurzıevanyń aıtýynsha, medıtsınalyq qyzmet sapasyn arttyrý maqsatynda júzege asyrylǵan jobaǵa 143 mln. teńge jumsalǵan. Qazirgi kezde elektrondy kezek barlyq alty emhanada jumys jasaýda.
Budan buryn qalaǵa qarasty Zachagan kentindegi №6 emhanada kezektiń kóptigi men turǵyndarǵa qolaısyzdyq týdyratyn basqa da jaıttar jóninde turǵyndar oblys ákimine shaǵym jasap, sodan qorytyndy shyǵarý maqsatynda birneshe shara qolǵa alynǵan bolatyn. Sonyń biri - elektrondy kezek.
Atalmysh joba jetekshisi Anton Skramovskııdiń sózine qaraǵanda, muny densaýlyq saqtaý júıesindegi jańalyq deýge bolady. Oral qazirgi kezde emhanalary elektrondy kezekke kóshken elimizdegi birinshi qala bolyp otyr. «Logitex» JShS barlyq qajetti qural-jabdyqtardy qondyryp, onymen jumys jasaýǵa medıtsına qyzmetkerlerin úıretti.
Aıta keteıik, sonymen qatar Oralǵa karasty Krýgloozernyı selolyq okrýgindegi Serebrıakov aýylynda jańa medpýnkt ashyldy. Buryn medpýnkt «Qazposhta» AQ bólimshesiniń kishkentaı bólmesinde ornalassa, endi jergilikti kásipker Aınur Ismaǵulovanyń kómegimen jeke úıge kóshti. Jalgerlik aqyny (aıyna 60 myń teńge) oblystyq densaýlyq saqtaý basqarmasy tólep, medıtsına qyzmetkerlerimen, kerekti dári-dármekpen qamtıdy. Medpýnkt bir myń jarymnan astam turǵynǵa qyzmet kórsetedi. Buǵan qosa Krýgloozernyı kentinde №6 qalalyq emhanaǵa bekitilgen №3 otbasylyq densaýlyq ortalyǵy ǵımaratynda dárihana da óz esigin aıqara ashty. Mundaǵy maqsat - 6 myńnan astam turǵynǵa sapaly qyzmet kórsetý. «Talap» AQ dárihanasy qoljetimdi baǵamen dári-dármek bosatýmen birge emhana dárigerleri jazyp bergen retsept boıynsha dárini tegin de beredi.
