Oral qalasynyń birneshe shaǵynaýdany sýsyz qaldy

Oral qalasynyń birneshe shaǵynaýdany sýsyz qaldy, dep habarlaıdy Kazinform. 

«Batys sý arnasy» JShS-nyń baspasóz qyzmetinen málim etkenindeı, Zachagan kentinde M.Móńkeuly jáne Qambar batyr kósheleri boıyndaǵy sý qubyrlarynda jóndeý jumystary júrgiziledi.

«Jóndeý jumystary kezinde Kóktem, Arman, Jaqsy aýyl, Qazaq aýyly, Sarytaý, Qus fabrıkasy shaǵynaýdandarynda, sondaı-aq №10, 47, 38, 51 orta mektepterine jáne Jáńgir han kóshesi boıyndaǵy 51, 53, 55, 59, 61, 65, 67, 69-mekenjaılary boıynsha kópqabatty úılerge sý berý toqtatylady. Shamamen sýdan aıyrý merzimi – 10 qańtar kúni saǵat 12.00-den 20.00-ge deıin» dep habarlady vedomstvodan.