Oral qalasynyń áýejaıyna 5-shi dárejeli «áýe erkindigin» paıdalaný quqyǵy berildi

ORAL. KAZINFORM - Memleket basshysynyń ushý geografııasyn keńeıtý jáne halyqaralyq ushýlar sanyn ulǵaıtý tapsyrmasy aıasynda Oral qalasynyń áýejaıynda "ashyq aspan" rejımi engizildi. Tıisti qujatqa Kólik mınıstri Marat Qarabaev qol qoıdy.

Demek qazirgi tańda elimizdiń 15 áýejaıy «ashyq aspan» tártibine sáıkes jumys atqarady. Olardyń qatarynda Astana, Almaty, Shymkent, Aqtaý, Aqtóbe, Qaragandy, Óskemen, Pavlodar, Kókshetaý, Taraz, Petropavlov, Semeı, Túrkistan, Qostanaı ı Oral qalalarynyń áýejaılary bar.

«Ashyq aspan» tártibin engizý jańa sheteldik tasymaldaýshylardy tartýǵa, jańa halyqaralyq baǵyttardy ashýǵa, básekelestikti arttyrýǵa yqpal etedi.

5-shi áýe erkindigi bar ushýlar sheteldik áýe kompanııalardyń Qazaqstan qalalary arqyly úshinshi elderdiń qalalaryna ushýyn bildiredi.

Sonymen qatar Oral qalasy turǵyndarynyń ótinishi boıynsha avıareısterdi oryndaý kestesi túngi ýaqyttan kúndizgi jáne keshki ýaqytqa qaıta josparlandy. Qala turǵyndarynyń ótinishi nazardan tys qalǵan joq.

Esterińizge sala keteıik, búgingi kúni Oral qalasy áýejaıynda 5 ishki (Astana, Almaty, Túrkistan, Atyraý, Aqtaý) jáne 1 halyqaralyq baǵyttaǵy (Frankfýrt) reıster qarastyrylǵan. Bir aptada 32 reıs oryndalady.