Oral qalasyndaǵy sorǵy stantsııasynda apatty jaǵdaı boldy
ORAL. KAZINFORM — Oral qalasynyń soltústik-shyǵys bóliginde ornalasqan kóterińki sorǵy stansasynyń mashına zaly sýǵa tolyp ketken.
«Batys sý arnasy» JShS-nyń baspasóz qyzmetinen málim etkenindeı, apatty jaǵdaı 9 maýsym kúni atalmysh stantsııany qaraý kezinde saǵat 14.30-da belgili boldy.
Qazirgi kezde oqıǵanyń sebep-saldaryn «Batys sý arnasy» JShS mamandary anyqtap jatyr.
- Atalmysh nysanda qurylys-montaj jumystaryn merdiger uıym «Kýlsaı Stroı» JShS júrgizdi. Tapsyrys berýshi – Oral qalasynyń qurylys bólimi. Kelisim-shartqa sáıkes kepildik mindettemeni merdiger uıym moınyna alǵan. Osy apatty jaǵdaıǵa sáıkes qalanyń 10-shaǵynaýdanyndaǵy kópqabatty úılerde, ásirese, besinshi qabattan joǵary bóliginde sýmen qamtý qysymy ýaqytsha tómendeýi múmkin, - dep habarlady vedomstvodan.
Eske sala keteıik, budan buryn Oralda qubyr jarylyp, qalanyń bir bóligi sýsyz qalǵanyn jazǵan bolatynbyz.