Oral qalasyndaǵy Depo kópiri 15 kúnge jóndeýge jabylady
ORAL. KAZINFORM – Oral qalasyndaǵy Depo kópirinde jóndeý jumystary júrgiziledi.
Oral qalasy ákimdiginen málim etkenindeı, Depo kópiri 25 maýsym kúni saǵat 22.00-den bastap 10 shildege deıin jabylady.
- Jabylatyn aýmaq – M.Mámetova kóshesinen depoǵa deıingi aralyq. Aǵymdaǵy jóndeý jumystary aıasynda deformatsııalyq tigister qalypqa keltiriledi. Munymen merdiger mekeme «Nurtem» JShS aınalysady, - dep habarlady.
Depo kópiriniń jóndelýine baılanysty № 1, 5, 19, 20, 22, 38, 46 baǵytta qatynaıtyn qoǵamdyq kólikterdiń marshrýttaryna da ózgerister engiziledi.
Atalmysh kópir 1965 jyly salynǵan. Oǵan 2016-2018 jyldary 2,3 mlrd teńgege kúrdeli jóndeý jumysy júrgizilgen edi.
Eske sala keteıik, budan buryn Oralda qala kúnine oraı Depo kópiri ashylǵanyn jazǵan edik.