Oral qalasynda jylý qubyrlary jóndele bastady

ORAL. KAZINFORM — Oralda jylý qubyrlaryn rekonstrýktsııalaý jumystary jalǵasyp jatyr. 

«Jaıyqjylýqýat» AQ bas dırektorynyń mindetin atqarýshy Bekbolat Qameshovtiń aıtýynsha, qazirgi ýaqytta № 2 jylý magıstrali jóndeýden ótýde. Osyǵan baılanysty sý aǵyzý josparly júrgizilip jatyr. 

— Keshe qubyr júıesi ajyratyldy. Búgin qubyrlardy bólshekteý bastaldy. Jóndeý jumystary qyrkúıek aıyna deıin jalǵasady. Bul maqsatqa 9,9 mlrd teńge bólindi. Osy qarjyǵa 3,9 km qubyr aýystyrylmaq, - dedi B.Qameshov.

Foto: "Jaıyqjylýqýat" AQ

Eske sala keteıik, budan buryn Oral qalasynda turǵyn úılerge jylý berý toqtatylǵanyn jazǵan bolatynbyz.