Oral qalasynda jylý qubyry jarylyp, mekeme jylýsyz qaldy
Oral qalasynda jylý qubyry jarylyp, halyq shyǵarmashylyǵy ortalyǵy jylýsyz qaldy, dep habarlaıdy Kazinform.
Oral qalasy ákiminiń orynbasary Jandos Dúısenǵalıevtiń aıtýynsha, 13 jeltoqsan kúni qalalyq qubyr júıesindegi apattyq jaǵdaıǵa baılanysty ıÝ.Gagarın kóshesi 105/3-mekenjaıynda ornalasqan oblystyq halyq shyǵarmashylyǵy ortalyǵy ýaqytsha jylýdan ajyratyldy.
Sebebi — 1970 jyldary salynǵan qubyr eskirgen. Qazirgi kezde jóndeý jumystary júrip jatyr.
Oblystyq halyq shyǵarmashylyǵy ortalyǵynyń dırektory Máýlet Jubatov oqıǵany rastap, atalmysh mekemede 43 adam jumys isteıtinin jetkizdi.
«Jylý joq bolǵan soń elektr jylytqysh qosyp otyrmyz», — deıdi qyzmetkerler.
Sondaı-aq áleýmettik jelide turǵyndar keıbir mektepter men balabaqshalar salqyn ekenin habarlap, saldarynan balalar aýyryp jatqanyn jazyp jatyr.
Osyǵan baılanysty Oral qalasy bilim bóliminiń baspasóz qyzmeti aqparatty keıin beretinin jetkizdi.
