Oral qalasynda jazǵy kafe janyp ketti

ORAL. KAZINFORM - Oralda qalalyq mádenıet jáne demalys saıabaǵy aýmaǵynda jazǵy kafe órtendi.

BQO TJ departamentiniń baspasóz qyzmetinen málim etkenindeı, oqıǵa 1 shilde kúni boldy.

«Saǵat 09.50-de Q.Rysqulbekov kóshesi 1/4-mekenjaıynda aýmaǵy 280 sharshy metr «Ý fontana» jazǵy kafesi janyp jatqany jóninde habar túsken. Sondaı-aq soǵan jalǵas turǵan 25 sharshy metr ákimshilik ǵımaratynyń tóbesi otqa orandy. Oqıǵa ornynan 1 kómirsýtegi ballony shyǵaryldy. Órtti sóndirýge 20 adam, 5 tehnıka jumyldyryldy. «Tilsiz jaý» saǵat 10.15-te oqshaýlanyp, 10.32-de aýyzdyqtaldy. Zardap shekkender joq. Qazirgi kezde oqıǵanyń shyǵý sebebi, keltirilgen shyǵyn anyqtalý ústinde», dep habarlady vedomstvodan.

Eske sala keteıik, budan buryn Oralda jataqhana men 9 qabatty úıde órt bolyp, birneshe adam qutqarylǵanyn jazǵan edik.