Oral qalasynda Jaıyq ózeninen ótetin kópir jabylady

ORAL. KAZINFORM — Oral qalasynda Jaıyq ózeninen ótetin kópir bir kúnge jóndeýge jabylady.

«QazAvtoJol» UK» AQ BQO fılıalynan málim etkendeı, 26 tamyz kúngi saǵat 21.00-den bastap 27 tamyz saǵat 08.00-ge deıin Jaıyq ózenindegi kópir (Samara-Shymkent tasjolynyń 254-261 shaqyrymy) jóndeledi.

Avtokólikter Zachagan kenti Melovye gorkı eldi mekeni jaǵyndaǵy kópir arqyly qatynaıtyn bolady. 

Eske sala keteıik, budan buryn Oral qalasyndaǵy kópir jóndeý jumystaryna baılanysty jabylatynyn jazǵan bolatynbyz.

1961 jyly salynǵan eski kópir ótken jyly sáýir aıynda da jóndeýge jabylǵan edi. 

Búginnen bastap Astananyń Syǵanaq kóshesinde de birneshe kúnge kólik qozǵalysyna tyıym salyndy.