Oral qalasynda jańadan 20 avtobýs jolǵa shyqty

ORAL. KAZINFORM – Oralda turǵyndardyń qoǵamdyq kólikpen júrýine qolaıly jaǵdaı jasaý maqsatynda qalalyq tasymaldaýshylarmen 20 jańa avtobýs satyp alyndy.

Oral qalasy ákimdiginen málim etkenindeı, nátıjesinde qoǵamdyq kólik quramynyń tozýy 27 paıyzǵa deıin qysqardy. 

Jylyna shamamen 53 mln jolaýshy aǵyny bar qoǵamdyq kólik parkin tolyqtyrýǵa erekshe kóńil bólinip keledi. 

Jolaýshylarǵa laıyqtalǵan jańa qoǵamdyq kólikterde avtobýstardyń júrý baǵytyn bilýge arnalǵan GPS qurylǵysy ornatylǵan. Sondaı-aq arnaıy qajettiligi bar jandardyń arbasyna arnalǵan pandýs, LED-ekrandar, dezınfektsııalaýǵa arnalǵan ýltrakúlgindi lampa jáne beınebaqylaý qurylǵysymen jasaqtalǵan.

- Munyń barlyǵy áleýmettik mańyzy bar marshrýttarda tasymaldaýshylardyń shyǵyndaryn sýbsıdııalaýdyń arqasynda múmkin boldy. Jyl saıyn osy baǵytta qalalyq kásiporyndarǵa bıýdjetten bólinetin sýbsıdııa kólemi artýda. 2024 jyly osy maqsatqa 5,2 mlrd qarajat berildi. Qazir barlyq marshrýttarda jolaqy tóleýdiń elektrondy júıesi engizildi. Nátıjesinde bıýdjetke salyqtyq túsim eselep artyp, jumys orny kóbeıdi, - dep habarlady vedomstvodan. 

Eske sala keteıik, budan buryn Oralda qoǵamdyq kólik qatary jańa avtobýstarmen tolyqtyrylǵanyn jazǵan bolatynbyz.