Oral qalasynda jańa jyl qarsańynda 14 sábı ómir esigin ashty

Oral qalasynda jańa jyl qarsańynda 14 sábı ómir esigin ashty, dep habarlaıdy Kazinform. 

BQO Densaýlyq saqtaý basqarmasynan túsken málimetke qaraǵanda, sonyń 8-i 31 jeltoqsanda saǵat 00.00-ge deıin qalalyq kópbeıindi aýrýhanada, altaýy oblystyq perınataldyq ortalyqta dúnıege keldi.

Perınataldyq ortalyqtaǵy 6 sábıdiń tórteýi – qyz, ekeýi – ul.

Qalalyq kópbeıindi aýrýhana dırektorynyń orynbasary Eset Eralınniń aıtýynsha, osyndaǵy perzenthanada 8 shaqalaq shyr etip, jerge tússe, sonyń altaýy – ul, ekeýi – qyz.

Eset Ǵabıtulynyń sózine qaraǵanda, sonymen qatar búgin saǵat 11.00-ge deıin taǵy 4 ana náresteli bolsa, sonyń ekeýi – qyz, ekeýi – ul.

«Analardyń bári de otasyz, ózdiginen bosandy. Qazirgi kezde olardyń jáne sábıleriniń jaǵdaıy jaqsy. Aýrýhananyń bosaný bólimshesinde 2 akýsher dáriger, 1 anestezıolog, 1 neonatolog, oǵan qosa 14 orta býyn qyzmetkeri jumys isteıdi. Mamandarymyz jańa jyl túni de óz qyzmetin sapaly atqaryp shyqty», - dedi E.Eralın.