Oral qalasynda túzetý mekemesinde jazasyn óteýshi sýıtsıd jasady

ORAL. KAZINFORM — Oral qalasyndaǵy túzetý mekemesinde 46 jastaǵy er adam ózine-ózi qol jumsady.

BQO polıtsııa departamentiniń baspasóz qyzmetinen málim etkenindeı, oqıǵa 13 tamyz kúni boldy.

«BQO boıynsha qylmystyq-atqarý júıesi departamentiniń túzetý mekemesinde 1978 jylǵy jazasyn óteýshi óz ómirin qıǵan. Atalǵan derek Zachagan polıtsııa bóliminde tirkeldi. Qazirgi kezde sotqa deıingi tergeý amaldary júrgizilýde», - dep habarlady vedomstvodan. 

BQO boıynsha qylmystyq-atqarý júıesi departamentiniń baspasóz qyzmeti aqparatty keıin beretinin jetkizdi.

Eske sala keteıik, budan buryn Batys Qazaqstanda 9-synyp oqýshysynyń ózine qol jumsaǵanyn jazǵan bolatynbyz.