Oral qalasynda turǵyn úılerge jylý berý toqtatyldy
ORAL. KAZINFORM — Oral qalasynda jylytý maýsymy aıaqtala keldi.
«Jaıyqjylýqýat» AQ bas dırektorynyń mindetin atqarýshy Bekbolat Qameshovtiń Kazinform tilshisine málim etkenindeı, Oral qalasynda kópqabatty 1 217 úı bolsa, solarǵa jylý berý búgin toqtatyldy.
Onyń sózine qaraǵanda, shaharda 42 balabaqsha, 56 mektep, 33 medıtsına mekemesi bar.
— Áleýmettik mekemelerge jylý berý olardyń ótinimderine sáıkes toqtatylady. Qazirgi kezde ótinimder túsip jatyr, soǵan baılanysty jumys isteımiz. Jalpy, jylytý maýsymy qalypty ótti, — dedi Bekbolat Qameshov.
Eske sala keteıik, budan buryn Oral qalasynda úılerdiń basym kópshiligine jylý berilgenin jazǵan bolatynbyz.
