Oral qalasynda turǵyn úılerge jylý berile bastady
ORAL. KAZINFORM – Oral qalasynda «Jaıyqjylýqýat» AQ barlyǵy 1 673 nysandy jylý energııasymen qamtamasyz etedi.
Oral qalasy ákimdiginen málim etkenindeı, sonyń ishinde 1 213 kópqabatty turǵyn úı bar.
Bes qabatty turǵyn úılerge jylý 1 qazannan bastap berilgen. Al toǵyz qabatty jáne odan joǵary turǵyn úıler jylýǵa búgin tústen keıin qosylmaqshy.
Qala ákimdiginiń málimetine qaraǵanda, áleýmettik nysandarǵa jylý tolyqtaı berilgen. Jalpy, «Jaıyqjylýqýat» AQ jylýmen qamtıtyn 42 balabaqsha, 86 oqý orny, onyń ishinde 48 jalpy bilim beretin mektep, 35 densaýlyq saqtaý nysany, 5 áleýmettik qorǵaý nysany, 24 mádenıet nysany jáne 268 basqa uıym bar.
Eske sala keteıik, budan buryn Pavlodarda 1 200-den astam kópqabatty úı jylýǵa qosylǵanyn jazǵan edik.
