Oral qalasynda tok soqqan bala kóz jumdy

ORAL. KAZINFORM — Oral qalasynda tok soqqan 9 jastaǵy bala aýrýhanada qaıtys boldy.

BQO Densaýlyq saqtaý basqarmasynyń baspasóz qyzmetinen málim etkendeı, bala oblystyq kópbeıindi balalar aýrýhanasynda 1 mamyrdan 2-sine qaraǵan túni kóz jumdy.

BQO Polıtsııa departamentiniń baspasóz qyzmeti osy qaıǵyly oqıǵaǵa baılanysty tergeý amaldary jalǵasyp jatqanyn jetkizdi.

- Qylmystyq is boıynsha tıisti saraptamalar taǵaıyndaldy. Ózge aqparat QR Qylmystyq is júrgizý kodeksiniń 201-babyna sáıkes jarııa etýge jatpaıdy, - dep habarlady vedomstvodan.

Eske sala keteıik, budan buryn Oralda tok soqqan balanyń aýrýhanaǵa jatqyzylǵanyn jazǵan edik.