Oral qalasynda sýǵa ketken 300-ge jýyq saıajaı úıine tehnıkalyq tekserý júrgizildi

ORAL. KAZINFORM – Oral qalasynda sýǵa ketken saıajaı ýchaskeleri boıynsha jumys júrgizilip jatyr.

Qala ákiminiń orynbasary Jandos Dúısenǵalıevtiń Kazinform tilshisine málim etkenindeı, kúni búgin oblys ortalyǵy boıynsha birjolǵy áleýmettik kómek kórsetý boıynsha 7 992 ótinish tústi. Jandos Ashatulynyń sózine qaraǵanda, 3 104 ótinish boıynsha tekserý aktisi jasalyp, 2 522 otbasyna barlyǵy 931,1 mln teńge kóleminde áleýmettik kómek berildi.

«Sonymen qatar sý tasqynynan zardap shekkenderge zalaldy óteý boıynsha 9 638 ótinish tústi. Tehnıkalyq tekserý jumysy 4 mamyrda bastaldy. Qazirgi ýaqytta qala boıynsha 6 uıym jumys istep jatyr. Olarǵa Oral qalasynyń ákimdigimen 1 300 mekenjaı boıynsha tehnıkalyq tekserý júrgizý úshin hat joldandy», - dedi J.Dúısenǵalıev.

Onyń aıtýynsha, kúni búginge deıin saıajaı ýchaskeleri boıynsha 299 mekenjaıda tehnıkalyq tekserý júrgizildi: «Úmitker» – 20, «ıAgodka» - 26, «Venera» - 92, «Rechnık» - 61, «Pýteets», «Vıshnevyı sad», «Nıva», «Parýs», «Nurly jol» - 44, «Volna», «Trýd», «Gazovık» - 39 úı.

Osy baǵyttaǵy jumys qalǵan mekenjaılar boıynsha tehnıkalyq tekserýge tolyq múmkindik bolǵanda, ıaǵnı sý qajetti deńgeıge túsken kezde jalǵasady.

«Qazir qaladaǵy evakýatsııalyq pýnktterde 2 300 adam bar. «Venera», «Rechnık», «Trýd», «Gazovık», «Volna», «Úmitker» saıajaılarynyń turǵyndary óz mekenjaıyna qaıtyp jatyr. Osy ýaqytqa deıin 200-den astam otbasy úılerine oraldy», - dedi qala ákiminiń orynbasary.

Eske sala keteıik, budan buryn Oral qalasynda sýǵa ketken barlyq saıajaı tehnıkalyq tekserýden ótetinin jazǵan bolatynbyz.

BQO-da Jaıyq ózenindegi sý deńgeıi Taıpaq gıdrobeketinde turaqtady.