18:19, 07 Shilde 2024 | GMT +5
Oral qalasynda shańdy daýyl soqty
ORAL. KAZINFORM - Oral qalasy men oblystyń birqatar aýdanynda búgin tústiń áletinde shańdy daýyl soqty.
Turǵyndardyń sózine qaraǵanda, qalanyń kóp bóliginde jaryq sónip qaldy.
Qatty jel aǵashtardy qulatyp, úılerdiń shatyryn ushyryp áketken. Birqatar aýdan, aýyldar da osyndaı jaǵdaıǵa ushyrady. Onyń ústine óńirde kún de ystyq, 35 gradýsty kórsetip tur.
BQO TJ departamenti baspasóz qyzmetinen málim etkenindeı, osyndaı aýa raıy 8 shilde kúni de saqtalady. Oblystyń batysynda, soltústik-batysynda naızaǵaı oınap, jeldiń ekpini sekýndyna 15-20 metrge jetedi. Kún 35 gradýs ystyq bolǵandyqtan, órt qaýpi de joǵary.