Oral qalasynda ruqsat etilmegen 6 qoqys úıindisi anyqtaldy

ORAL. KAZINFORM – Oral qalasynda bıylǵy úsh aıda tabıǵatty qorǵaý baǵyty boıynsha 1 385 ákimshilik quqyq buzýshylyq deregi tirkeldi.

қоқыс
Фото: Алматы әкімдігі

Oral qalasy polıtsııa basqarmasy bastyǵynyń orynbasary, polıtsııa podpolkovnıgi Jantemir Imanalıevtiń óńirlik kommýnıkatsııalar qyzmeti alańynda ótken brıfıngte málim etkenindeı, sonyń ishinde qalalar men eldi mekenderdiń aýmaǵyn abattandyrý erejelerin buzǵany úshin, sondaı-aq ınfraqurylym nysandaryn buzý, olardy joıý jáne eldi mekenderdiń jasyl ekpelerine zııan keltirý boıynsha QR Ákimshilik quqyq buzýshylyq kodeksiniń 505-babyna sáıkes 817 quqyq buzýshylyq anyqtalyp, 979 eskertý jasaldy.

Sondaı-aq kodekstiń 434-2-babyna (qoǵamdyq paıdalaný oryndaryn lastaý) sáıkes 554 quqyq buzýshylyq belgili boldy.

Onyń sózine qaraǵanda, turǵyn úı-kommýnaldyq sharýashylyq mekemesimen birlesip ruqsat etilmegen 6 qoqys úıindisi anyqtaldy.

Sol sekildi bıyl BQO polıtsııa departamenti tabıǵatty qorǵaý polıtsııasy bólimimen birlesken jumys nátıjesinde Oral qalasy aýmaǵynda zańsyz qum óndirý deregi jóninde qatynashat BQO jer resýrstary departamentine joldanǵan.

- Oral qalasy polıtsııa basqarmasy tabıǵatty qorǵaý polıtsııasy bólimshesiniń qyzmetkerleri Instagram áleýmettik jelisinde «Taza Qazaqstan» aktsııasy jóninde, qalany abattandyrý jáne saýda qaǵıdalaryn saqtaý baǵytynda túsindirý jumystaryn júrgizdi. Zańnama buzǵandarǵa 7 mln 195,560 myń teńge ákimshilik aıyppul salynyp, sonyń 6 mln teńgege jýyǵy óndirilip alyndy, - dedi J.Imanalıev.

Oral qalasy ákiminiń orynbasary Jandos Dúısenǵalıevtiń málimdeýinshe, shaharda 29 naýryz – 26 sáýir aralyǵynda sanıtarlyq-ekologııalyq aılyq jarııalandy. 29 naýryz kúngi alǵashqy senbilikke 1 myńnan astam adam qatysyp, qaladan 400 tonna qoqys shyǵaryldy.

Onyń aıtýynsha, 5 jáne 26 sáýirde ótetin senbilikterde tal-terek otyrǵyzylyp, aǵash dińgekteri áktelip, skverler qalpyna keltiriledi. Qaladaǵy 57 skver men tynymbaqqa departamentter men basqarmalar jaýapty bolyp bekitildi. Ár basqarma ózine qarasty aýmaqty abattandyrady. 19 sáýir kúni «Taza jaǵalaý» is-sharasy barysynda ózen jaǵalaýlary tazartylady.

- Sanıtarlyq-ekologııalyq aılyq kezinde senbi kúnderi Oral-Saratov tas joly boıyndaǵy jáne Asan aýyly mańyndaǵy polıgondar turǵyndardan kúl-qoqysty tegin qabyldaıdy. Qalany kútip-ustaýdy «Jaıyq taza qala» JShS qamtamasyz etedi. Al iri gabarıtti qaldyqtardy shyǵarýmen «Stroı kompas» jáne «Jaıyq taza qala» JShS aınalysady. Bıyl jergilikti bıýdjet esebinen 1 myń dana eýrokonteıner alynyp, qatty turmystyq qaldyqtarǵa arnalǵan jańadan 80-ge jýyq alań jasalatyn bolady, - dedi J.Dúısenǵalıev.

Eske sala keteıik, budan buryn Oralda byltyr jóndelgen joldyń opyrylyp qalýyna baılanysty ákimdik jaýap bergenin jazǵan edik.

 

Сейчас читают