Oral qalasynda referendým kúni qoǵamdyq kólikter tegin júredi

ORAL. KAZINFORM — Oral qalasynda 15 naýryz — referendým kúni barlyq qoǵamdyq kólikter tegin qatynaıdy.

Oral qalasy ákimdiginen málim etkenindeı, oblys ortalyǵynda avtobýstar 27 baǵyt boıynsha júredi.

Qalada barlyǵy 305-310 qoǵamdyq kólik bar. 

— 15 naýryz kúni elimizde respýblıkalyq referendým ótedi. Osyǵan baılanysty qala turǵyndarynyń daýys berý ýchaskelerine barýyna qolaıly jaǵdaı jasaý maqsatynda, atalǵan kúni Oral qalasyndaǵy barlyq qoǵamdyq kólikter tegin qatynaıtyn bolady, — dep habarlady vedomstvodan.

BQO aýmaqtyq referendým komıssııasynan túsken málimetke qaraǵanda, 11 naýryz kúni óńirdegi referendým komıssııalarynda ashyq esik kúni ótkizildi.

Atalmysh is-shara aıasynda referendýmǵa qatysý quqyǵy bar azamattar komıssııaǵa kelip, ózderiniń tizimde bar-joqtyǵyn tekserdi. Sondaı-aq daýys berý ýchaskesiniń mekenjaıy men nómirin anyqtap, daýys berý protsedýrasyna qatysty barlyq suraqtar boıynsha keńester aldy. 
Eske sala keteıik, budan buryn Batys Qazaqstanda referendýmda daýys berýge quqyly 450 myńnan astam azamat bar ekendigin jazǵan bolatynbyz.