Oral qalasynda polıtsııa qyzmetkeri para alý kezinde ustaldy

Oral qalasynda polıtsııa qyzmetkeri para alý kezinde ustaldy, dep habarlaıdy Kazinform.

BQO polıtsııa departamentiniń baspasóz qyzmetinen málim etkenindeı, oqıǵa 21 qazan kúni boldy.

«Polıtsııa departamenti ózindik qaýipsizdik basqarmasynyń qyzmetkerleri Oral qalasy polıtsııa basqarmasynyń qyzmetkerin aqsha alý kezinde qolǵa túsirdi. Atalǵan qyzmetker ýaqytsha ustaý ızolıatoryna qamaýǵa alyndy. Qazirgi kezde sotqa deıingi tergeý amaldary júrgizilýde», dep habarlady vedomstvodan.

Eske sala keteıik, budan buryn BQO-da anasyn óltirdi degen kúdikpen jasóspirimniń ustalǵanyn jazǵan bolatynbyz.