10:20, 05 Tamyz 2024 | GMT +6
Oral qalasynda orman otalyp jatyr – ákimdik jaýap berdi
ORAL. KAZINFORM — Oral qalasynda Jaıyq ózeniniń jaǵasynda ormannyń otalyp jatqany jóninde áleýmettik jelide aqparat tarady.
Beınejazbadaǵy sózge qaraǵanda, Stela mańyndaǵy demalys aımaǵynda aǵashtar kesilip jatyr.
Oral qalasy ákiminiń orynbasary Jandos Dúısenǵalıev atalǵan jerdiń jeke aýmaq ekendigin jetkizdi.
«Alaıda jer ıesi qalalyq turǵyn úı-kommýnaldyq sharýashylyq bóliminen kelisim alý kerek edi. Búgin tabıǵat qorǵaý polıtsııasy jáne ekologııa departamentimen birge qala ákimdiginiń qyzmetkerleri oqıǵa bolǵan jerge baryp, tıisti sharalar qabyldanatyn bolady. Jer qatynastary bólimi arqyly qojaıyny anyqtalyp, oǵan QR Ákimshilik quqyqbuzýshylyq týraly kodeksine sáıkes aıyppul salynady», - dedi Kazinform tilshisine J.Dúısenǵalıev.
