Oral qalasynda qurban shalatyn oryndar belgilendi
ORAL. KAZINFORM — Qazaqstanda bıyl qasıetti Qurban aıt merekesi 27, 28, 29 mamyr kúnderi atalyp ótiledi.
BQO bas ımamy Samat Álibaevtyń málim etkenindeı, qasıetti Arafa kúni 26 mamyr kúnine sáıkes keledi.
Onyń aıtýynsha, Batys Qazaqstan oblysy boıynsha aıt namazy 27 mamyr kúni tańǵy saǵat 06:30-da oqylady.
Óńirde qazirgi tańda barlyǵy 69 meshit bar.
— Oral qalasy boıynsha qurban shalatyn úsh qasaphana belgilendi. Atap aıtqanda, «El yrysy» bazary, «Batys adal et» JShS jáne «Kýbleı» JShS-da mal qurbandyqqa shalynady, — dedi Samat Álibaev.
BQO polıtsııa departamenti baspasóz qyzmetiniń málimetine qaraǵanda, aıt namazyna baılanysty Oralda Abaı dańǵyly Á.Áıtıev kóshesinen Muhıtqa deıin, sondaı-aq J.Dosmuhamedov kóshesi Qurmanǵazydan H.Chýrın kóshesine deıin kólik qozǵalysy jabylady.
Eske sala keteıik, budan buryn Oralda qurbandyq mal shalynatyn oryndar baqylaýda bolatynyn jazǵan edik.
