Oral qalasynda qosymsha evakýatsııa pýnkteriniń tizimi jarııalandy

ORAL. KAZINFORM — Oral qalasynda qosymsha evakýatsııalyq pýnkterdiń tizimi jarııalandy.

BQO ákiminiń orynbasary Baqytjan Narymbetovtiń málim etkenindeı, Jaıyq ózeniniń Oral qalasy tusyndaǵy qaýipti shegi 850 sm bolsa, 20 sáýir kúni tańmen 824 santımetrge jetti.

Osyǵan baılanysty qala turǵyndarynyń qaıda ornalasa alatyny jóninde málimet berildi.

Mysaly, Kýrenı aýdanynda turatyndar qala ortalyǵyndaǵy №17, 19, 7 jáne 21-mektepterdegi evakopýnktterge bara alady. 

«Qala Jaıyq jáne Shaǵan ózeni boıynda barlyǵy 24 ýchaskege bólingen. Jaıyq ózeni jaıylmalarynda 100-den astam baý-baqsha seriktestigi ornalasqan. Buǵan deıin saıajaılardan kóshirilgen 2 myńnan astam adam evakýatsııalyq pýnktterde turyp jatyr. Tótenshe jaǵdaı kezinde turǵyndar aqparattardy oblys jáne qala ákimdiginiń resmı saıttarynan, sondaı-aq áleýmettik jelide batys_today kanalynan taba alady» dedi B.Narymbetov. 

Evakýatsııalyq pýnkter tizimi:

(Jaıyq ózeni jaǵalaýyna jaqyn aýdandar boıynsha)

• Jelaev kenti «Rahmet» sýpermarketinen temirjolǵa deıin - №44, №28 orta mektep.
• Jelaev kenti temirjoldan Verbovaıa kóshesi 4 jáne 2-úıge deıin turatyndar - №24 orta mektep.
• Jelaev kenti Verbovaıa kóshesi 4 jáne 2-úıden Chkalov kóshesimen «PITSTOP» janar-jaǵar maı stansasynyń arty - №16 orta mektep.
• Et kombınaty aýdany «PITSTOP» janar-jaǵar maı stansasynyń arty – Shyńǵyrlaý kóshesine deıin - №34 orta mektep.
• Et kombınaty aýdany Shyńǵyrlaý kóshesinen Shúkirov kóshesine deıin - №5 jáne №23 orta mektep. 
• Et kombınaty aýdany Shúkirov kóshesi Buhar kóshesine deıin - №42 orta mektep.
• Ámbebap dúkeni aýdany «ZapKazREK»-ten (OralPETGAZ) A.Qusaıynov kóshesine deıin - №16 jáne №39 mektep.
• A.Qusaıynov kóshesinen Oral-1-ge deıin - №26 jáne №4 orta mektep.
• Oral 1-den T.Jarokov kóshesine deıin - №35 orta mektep.
• T.Jarokov kóshesinen Stellaǵa deıin - №35 orta mektep.
  Kýrenı aýdany Stelladan N.Nazarbaev dańǵylyna deıin - №7 orta mektep.
• Kýrenı aýdany N.Nazarbaev dańǵylynan M.Gorkıı kóshesine deıin - №19 jáne №21 orta mektep.
• Jáńgir han kóshesinen Komıntern aýylyna deıin, vetstansa ǵımaraty - №30 orta mektep.
• Komıntern vetstansadan Svobodnaıa kóshesi ¼-úıge deıin - №10 orta mektep.
• Komıntern Onıskın kólinen («Nur ER») «Stenovık» stadıonyna deıin - №47 orta mektep.
  Shaǵan ózeni jaǵalaýyna jaqyn aýdandar boıynsha
• Pýgachev aýylynan Isataı-Mahambet kóshesine deıin - №45 orta mektep.
• Isataı-Mahambet kóshesinen S.Daýmov kóshesi 79-úıge deıin - №50 orta mektep. 
• S.Daýmov kóshesi 79-úıden N.Sydyqov kóshesine deıin – BKM.
• Rezervtik evakopýnkter - №38, №37 orta mektepter jáne estetıkalyq baǵyttaǵy gımnazııa.

Eske sala keteıik, budan buryn Jaıyq ózeniniń deńgeıi Oralda 34 santımetrge kóterilip, qaýipti shekke jaqyndaǵanyn jazǵan bolatynbyz. 

Qazgıdromet fılıalynyń 20 sáýir kúngi saǵat 24.00-degi málimeti boıynsha Jaıyq ózeniniń Oral qalasy tusyndaǵy deńgeıi 846 santımetrge jetti.