Oral qalasynda ystyq sý berý bir aptaǵa toqtatylady

ORAL. KAZINFORM – Oral qalasynda 8-14 qyrkúıek aralyǵynda jylý-elektr ortalyǵynda josparly jóndeý jáne profılaktıkalyq jumystar júrgiziledi.

«Jaıyqjylýqýat» AQ bas dırektorynyń mindetin atqarýshy Bekbolat Qameshovtiń málim etkenindeı, osy merzimde ystyq sý men jylý-elektr ortalyǵynan beriletin elektr qýaty ýaqytsha toqtatylady. Onyń sózine qaraǵanda, elektr qýatynyń toqtatylýy qalaǵa jaryq berýge áser etpeıdi. 

Sol sekildi Oral qalasyna qarasty Zachagan kentindegi M.Móńkeuly aýdanyndaǵy № 1 qazandyq 8 qyrkúıek kúngi saǵat 09.00-den bastap 13 qyrkúıektegi saǵat 18.00-ge deıin jóndeýden ótkiziledi. Osyǵan baılanysty M.Móńkeuly kóshesindegi 101, 108, 108/1, 108/2, 108/4, 108/5, 108/6, 110/1, 120, 79, 81, 81/1 kópqabatty úılerde, № 47 mektep, № 6 emhana jáne dene shynyqtyrý-saýyqtyrý kesheninde ystyq sý bolmaıdy.

– Munyń bári aldaǵy jylytý maýsymy kezinde qalany ystyq sý jáne jylýmen úzdiksiz qamtamasyz etý maqsatynda atqarylyp jatyr, - dedi B.Qameshov. 

Eske sala keteıik, budan buryn Batys Qazaqstanda qandaı jylý nysandary jańartylyp jatqanyn jazǵan edik.