Oral qalasynda ıesiz úıde arqalyq jas jigitti basyp qaldy

ORAL. KAZINFORM — Oral qalasyndaǵy Derkól kentinde qaraýsyz qalǵan turǵyn úıde arqalyq qulaǵan. 

BQO TJ departamentiniń baspasóz qyzmetinen málim etkenindeı, oqıǵa 22 sáýir kúni boldy.

Arqalyq 1998 jylǵy jigitti basyp qalǵan.

— Jedel jetken qutqarýshylar aıaǵy synǵan jigitti arqalyqtyń astynan alyp shyqty. Sodan keıin ony tasymaldaý úshin aıaǵyn medıtsınalyq shınamen bekitip, jedel járdem brıgadasyna tapsyrdy. Qazirgi kezde oqıǵanyń mán-jaıy anyqtalyp jatyr, — dep habarlady vedomstvodan.

BQO densaýlyq saqtaý basqarmasy baspasóz qyzmetiniń naqtylaýynsha, aıaǵynyń súıegi synǵan jigit qazirgi kezde oblystyq kópbeıindi aýrýhanada em alyp jatyr.

Eske sala keteıik, budan buryn Aqsaı qalasynda mektep avtobýsy órtenip, júrgizýshiniń jaraqat alǵanyn jazǵan bolatynbyz.