Oral qalasynda Han toǵaıy otqa orandy
ORAL. KAZINFORM — Oral qalasynda Han toǵaıynda órt oqıǵasy boldy.
BQO orman sharýashylyǵy jáne janýarlar dúnıesi aýmaqtyq ınspektsııasynan málim etkenindeı, ormannyń órtenip jatqany jóninde 27 shilde kúni saǵat 13.35-te habar túsken.
Oral orman jáne janýarlar dúnıesin qorǵaý jónindegi kommýnaldyq memlekettik mekemesi sol boıda órtti sóndirýge kirisken. Aldyn ala málimet boıynsha órt baǵan qulap, elektr symynyń qysqa tuıyqtalýynan shyqqan.
Tilsiz jaýdy aýyzdyqtaý úshin Oral orman jáne janýarlar dúnıesin qorǵaý jónindegi KMM qyzmetkerleri, BQO TJ departamentiniń órt sóndirýshilerine qosa Kóshim orman sharýashylyǵynan qosymsha kúsh tartyldy. Sondaı-aq Atyraý qalasy men Aqjaıyq aýdany Chapaev aýylynan tikushaq keldi.
BQO tabıǵı resýrstar jáne tabıǵat paıdalanýdy retteý basqarmasynyń málimetine qaraǵanda, shamamen 15 gektar aýmaqta úıeńki, shaǵan aǵashtary janǵan. Oqıǵa ornynda eki tikushaq jumys istep jatyr.
Órtti sóndirý jumystary jalǵasyp jatyr.
Eske sala keteıik, budan buryn Batys Qazaqstanda ormandaǵy órtti sóndirýge tikushaq tartylǵanyn jazǵan edik.
