Oral qalasynda 800-ge jýyq abonent ystyq sýsyz qaldy

ORAL. KAZINFORM — Oral qalasynda «Jaıyqjylýqýat» AQ aldaǵy jylytý maýsymyna daıyndyq aıasynda jylý jelilerine kúrdeli jóndeý jumystaryn júrgizip jatyr.

«Jaıyqjylýqýat» AQ-dan málim etkenindeı, osyǵan baılanysty búginnen bastap 1 tamyzǵa deıin birneshe turǵyn úı men eki balabaqshaǵa ystyq sý berý toqtatyldy.

Atap aıtqanda, «Soltústik-Shyǵys» shaǵynaýdany № 9, 19, 20, 21 jáne Magıstralnaıa kóshesi № 1 úıde jáne «Tulpar» jáne «Balbóbek» balabaqshalarynda ýaqytsha ystyq sý bolmaıdy.

— Barlyǵy 785 abonent ystyq sýdan ajyratyldy. Ýaqytsha qolaısyzdyqtar úshin keshirim suraımyz, — delingen resmı aqparatta.

Sonymen qatar «Batys sý arnasy» JShS Jýkov kóshesi 14-mekenjaıyndaǵy qubyrdaǵy jumysqa baılanysty myna mekenjaılarda salqyn sý berý toqtatylǵanyn málimdedi.

Qurmanǵazy kóshesi 210, 210/1, 210/2, 210/3, 210/4, 210/5, 210/2a, 210/1a, 208, 204, 202, 179/1;

Á.Moldaǵulova kóshesi 9, 9/2;

Chapaev alańy 1;

Prıvokzalnaıa kóshesi 1, 3;

Á.Kerderi kóshesi 191.

Munda jóndeý jumystary aldyn ala málimet boıynsha 22 shilde kúni saǵat 18.00-ge deıin júrgiziledi.

Eske sala keteıik, budan buryn Oralda qubyr aýystyrýǵa baılanysty 200-den astam abonenttiń ystyq sýsyz qalǵanyn jazǵan edik.