Oral qalasynda 2 adam sot sheshimimen bostandyqqa shyqty

ORAL. KAZINFORM — Olar qalasyndaǵy № 27 túzetý mekemesinde 95 sottalýshy jazasyn ótep jatyr.

BQO boıynsha qylmystyq-atqarý júıesi departamentiniń baspasóz qyzmetinen málim etkenindeı, sonyń ishinde áleýmettik osal sanattaǵy, ıaǵnı zeınetkerler men múgedektigi bar jazasyn óteýshiler raqymshylyq zańyn qoldanýǵa jatady. 

Oral qalalyq soty aýyrlyǵy onsha aýyr emes jáne ortasha qylmys jasaǵan 2 jazasyn óteýshini bosatý jóninde sheshim shyǵardy. Olar — QR Prezıdentiniń raqymshylyq jasaý týraly zańyn júzege asyrý aıasynda № 27 túzetý mekemesinen alǵashqy bolyp bosatylyp jatqan adamdar.

— Aldaǵy ýaqytta raqymshylyqqa jatatyn basqa adamdarǵa qatysty sot sheshimderi negizinde bosatý jalǵasady. Jalpy, raqymshylyq jazany jeńildetýge jáne odan bosatýǵa baǵyttalǵan jáne árbir sottalǵanǵa túzelýge múmkin beredi. Bostandyqqa shyqqandarǵa jańa ómirge beıimdelýge kómek kórsetiledi, — dep habarlady vedomstvodan.

Eske sala keteıik, budan buryn Oralda túrmede jazasyn óteýshi kıimin sheship tastap, jalańash júrgenin jazǵan edik.