Oral qalasy turǵynynyń qoıyn ıtter taǵy da qyryp ketti
ORAL. KAZINFORM – Oral qalasynyń turǵyny Esengeldi Aıtmuhambetovtiń qorasynda turǵan qoılar taǵy da shabýylǵa ushyrady.
E.Aıtmuhambetovtiń sózine qaraǵanda, oqıǵa 5 qarashaǵa qaraǵan túni bolǵan.
Budan buryn 18 qazan kúni bolǵan oqıǵa kezinde onyń 150 bas qoıynyń 86-syn qyryp ketken edi.
Zachagan kentiniń ákimi Aqqalı Áýbekerovtiń aıtýynsha, 46 qoıdyń 10-y ólgen. Jeteýi jaraly, soıylyp jatyr. 29-y ǵana saý.
«Vetstantsııa, polıtsııa ókilderi de oqıǵa ornynda boldy. Qoıǵa shapqan ıtter ekendigi anyqtaldy. Qoranyń astyn qazyp kirgen. Taqtaıdy julmalap alyp tastaǵan, esikti baılaǵan temir arqandy da tistelep úzgen. Eki ıt (bireýi urǵashy, bireýi erkek) qoranyń ishinen shyǵa almaı, qalyp qoıǵan. Olar ustalyp, vetstantsııaǵa berildi. Zerthanada 10 kún baqylanyp, qutyrǵan bolsa, óledi. Sodan keıin tıisti sheshim qabyldanady. Chıppen teksergen kezde ıesi joq, ıaǵnı qańǵybas ıtter bolyp shyqty», dedi A.Áýbekerov.
Eske sala keteıik, budan buryn Oral qalasy shetinde seksennen astam qoıdy belgisiz jyrtqyshtyń qyryp ketkenin jazǵan bolatynbyz.
