Oral qalasy ortalyǵyndaǵy kópqabatty úıler ystyq sýdan ajyratyldy
ORAL. KAZINFORM – Oral qalasynyń ortalyǵynda 15-31 shilde aralyǵynda jylý qubyrlaryna kúrdeli jóndeý jumystary júrgiziledi.
«Jaıyqjylýqýat» JShS-nyń baspasóz qyzmetinen málim etkenindeı, osyǵan baılanysty búgin saǵat 10.00-den bastap birqatar kópqabatty úıge ystyq sý berý toqtatyldy.
Atap aıtqanda, S.Seıfýllın kóshesi, 4/2, 4/4, T.Masın kóshesi 37/1 jáne F.Neýsypov kóshesi 26/3-mekenjaılarynda ornalasqan úılerde eki apta boıy ystyq sý bolmaıdy.
Turba qubyrynyń dıametri – 133,89 mm.
Sonymen qatar «Batys sý arnasy» JShS Zachagan kentindegi T.Bıgeldınov kóshesinde dıametri 400 mm flanetsti katýshkany aýystyrý jumysy júrgiziletinin habarlady.
Osyǵan oraı T.Bıgeldınov kóshesi men «Balaýsa» shaǵynaýdanynda saǵat 14.00-den bastap shamamen 20.00-ge deıin salqyn sý berý toqtatyldy.
Eske sala keteıik, budan buryn Oralda qubyr aýystyrýǵa baılanysty 200-den astam abonent ystyq sýsyz qalǵanyn jazǵan edik.