Oral qalalyq saıabaǵynda jasóspirim tapanshamen ustaldy
ORAL. QazAqparat - Oralda Ulttyq ulan jaýyngerleri tapanshamen júrgen 15 jastaǵy jasóspirimdi ustady, dep habarlaıdy QazAqparat tilshisi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, oqıǵa 1 maýsym kúni saǵat 18.20 shamasynda boldy.
Qoǵam tynyshtyǵyn kúzetip júrgen, quramynda leıtenant Maqsat Qýanyshev, qatardaǵy jaýyngerler Qýanysh Baıdoluly, Erlan Nurmaǵambetov bar top qalalyq mádenıet jáne demalys saıabaǵy aýmaǵynda kúdik keltirgen jasóspirimdi qolǵa túsirdi. Ol qashpaqqa árekettengen.
Kýágerlerdiń qatysýymen onyń qara tústi sómkesi tekserilip, ishinen «Baıkal» MR-651K» pnevmatıkalyq tapanshasy tabyldy.
Budan keıin jasóspirim polıtsııa bólimine jetkizildi.
Quqyq buzýshynyń qarý ustaýǵa ruqsat qaǵazy joq bolyp shyqty. Tapansha saraptamaǵa jiberilip, ıesi kim ekendigi anyqtalýda.
Jasóspirimniń tapanshany ne sebepti ustap júrgendigin tergeý oryndary anyqtaıtyn bolady.
