14:41, 04 Qańtar 2024 | GMT +6
Oral kafesindegi jarylys: Jaraqat alǵandardyń tórteýi jansaqtaý bóliminde jatyr
Oral qalasyndaǵy kafede bolǵan jarylys kezinde jaraqat alǵandardyń tórteýi jansaqtaý bóliminde jatyr, dep habarlaıdy Kazinform.
BQO ákimdiginiń baspasóz qyzmetinen málim etkendeı, zardap shekken 5 adam Oraldaǵy kópbeıindi qalalyq aýrýhanada dárigerlik brıgadanyń kómegin alýda.
«Eki er adam jáne eki áıel adam jansaqtaý bóliminde jatyr. Bir er adam travmatologııa bóliminde. Qazirgi ýaqytta Batys Qazaqstan oblysynyń ákimi máseleni baqylaýda ustap otyr. Ákim túnde jarylys ornynda bolyp, oblystyq tótenshe jaǵdaı departamentine jáne densýlyq saqtaý basqarmasyna tıisti tapsyrma berdi» dep habarlady vedomstvodan.
Eske sala keteıik, budan buryn Oral qalasynda kafede jarylys bolyp, sońy órtke ulasqanyn jazǵan edik.
Jarylystan eki adam qaza tapty.
