Oral ІІB mańynan tabylǵan áıel múrdesi: Kúdikti eki aıǵa qamaldy
ASTANA. QazAqparat - Oral sotynyń sheshimimen 49 jastaǵy áıeldi qatygezdikpen óltirgen kúdikti eki aıǵa qamaýǵa alyndy, dep habarlaıdy QazAqparat.
Jámılá Jumaǵazıevanyń denesi 19 nýryz kúni Oral ishki ister basqarmasy ǵımaratyna jaqyn jerden tabylǵan bolatyn. Ony óltirýde 19 jastaǵy Ázimbek Asylbekov kúdiktelip otyr.
21 naýryz kúni qalalyq sotta BQO týmasy A.Asylbekovty qamaýǵa alýǵa sanktsııa berildi. Ol QR QK-niń 99-babyna («Adam óltirý») sáıkes tergeý júretin - eki aıǵa qamaldy.
Eske salaıyq, 19 naýryz kúni tańerteń zorlyq-zombylyqpen óltirý belgileri bar áıeldiń denesi tabylǵan bolatyn. Anyqtalǵandaı, ol jeke kásipkerlikpen aınalysqan.
Jedel izdestirý sharalary barysynda Ázimbek Asylbekov kelesi kúni ustalyp, Oral qalalyq ishki ister basqarmasynyń ýaqytsha oqshaýlaǵyshyna qamaldy.
