Oral halyqaralyq áýejaıynda jóndeý jumystary máresine jetti

Mánshúk Mámetova atyndaǵy Oral halyqaralyq áýejaıynda 8-13 qazan aralyǵynda júrgizilgen jóndeý jumystary aıaqtaldy, dep habarlaıdy Kazinform. 

«Oral halyqaralyq áýejaıy» JShS baspasóz qyzmetinen málim etkendeı, ushaqtardyń jermen júretin joly retteldi.

«Negizgi jumystardy júrgizý kezinde 8 jáne 9 qazan kúnderi áýejaı ýaqytsha jabyldy. Jóndeý búgin bitkenimen, 10 qazannan beri áýe kemelerin qabyldaý jáne shyǵarý qyzmeti shtattyq rejımde júzege asyrylyp jatyr. Jóndeý aıasynda jermen júrý jolynda asfaltbeton jabynynyń eki jańa qabaty salyndy. Bul jumystardy І sanattaǵy qurylys-montajdaý jumystaryn júzege asyrýǵa lıtsenzııasy jáne jol qurylysy salasynda úlken tájirıbesi bar «Adal Arna» JShS qurylys kompanııasy atqardy. Qazirgi ýaqytta áýejaı perrondy tolyq qaıta qurý boıynsha jobalyq qujattamany daıyndaýmen aınalysyp jatyr. Áýe aılaq jabyndaryn qaıta jańartý Oral áýejaıynda áýe kemelerine qyzmet kórsetý boıynsha aǵymdaǵy shekteýlerdi alyp tastaýǵa múmkindik beredi», - dep habarlady vedomstvodan.

Eske sala keteıik, budan buryn Oral áýejaıy jóndeýge jabylatynyn jazǵan bolatynbyz.