Oral bazaryndaǵy jarylys: jansaqtaý bóliminde jatqandar sany 4 adamǵa jetti
ORAL. KAZINFORM – «El yrysy» bazarynda mal soıýǵa arnalǵan orynda gaz ballonynyń jarylýy saldarynan jansaqtaý bóliminde jatqandar sany 4 adamǵa jetti.
BQO densaýlyq saqtaý basqarmasynyń baspasóz qyzmetinen naqtylaǵanyndaı, qazirgi kezde denesin kúıik shalǵan 3 er adam qalalyq kópbeıindi aýrýhananyń jansaqtaý bólimshesinde em alyp jatyr.
«Taǵy 4 er adam polıtravma bólimshesinde. Sonyń ishinde budan buryn aýrýhanaǵa jatýdan bas tartqan bir adam qaıtyp keldi. Sonymen qatar oblystyq kópbeıindi balalar aýrýhanasyna jetkizilgen jasóspirimniń bireýi jansaqtaý bóliminde. Ekinshisi polıtravma bólimshesinde. Oblystyń shtattan tys bas travmatology jáne atalǵan aýrýhanalar basshylarynyń qatysýymen arnaıy konsılıým ótkizildi. Sondaı-aq Astana jáne Almaty qalalary apattar medıtsınasy ortalyǵy reanımatologtarymen jáne kombýstıologtarymen birlesken telemedıtsına júrgizildi. Emdeý taktıkasy kelisildi», - dep habarlady vedomstvodan.
Eske sala keteıik, budan buryn Oralda mal soıatyn orynda gaz ballony jarylǵanyn jazǵan bolatynbyz. Sondaı-aq Oralda bazardaǵy jarylys saldarynan bir adam jansaqtaý bóliminde jatyr.
