«Oral aýyl sharýashylyǵy tájirıbe stansasyn» senimdi basqarýǵa berý kózdelýde
ORAL. QazAqparat - «Oral aýyl sharýashylyǵy tájirıbe stansasyn» senimdi basqarýǵa berý kózdelýde, dep habarlaıdy QazAqparat tilshisi.
Bul týraly atalmysh JShS-ny damytý máseleleri boıynsha ótken otyrysta belgili boldy.
Kezdesý barysynda oblys ákiminiń birinshi orynbasary Igor Steksov stansany óńirderi iri egin ósiretin kompanııalarǵa senimdi basqarýǵa berý týraly usynys engizdi.
«Aýyl sharýashylyǵy tájirıbe stansasy mundaı kompanııalarsyz jumys jasaı almaıdy. Jaǵdaıdy túzep, tuqym qoryn jasaqtaý úshin birlesip jumys jasaý qajet», dedi I.Steksov.
«Oral aýyl sharýashylyǵy tájirıbe stansasy» JShS dırektory mindetin atqarýshy Valentına Lımanskaıanyń sózine qaraǵanda, bıyl óńirde eginnen ortasha ár gektardan 6 tsentnerden ǵana ónim alyndy. Dári-dármek, gerbıtsıd, tyńaıtqyshtar jetkilikti bolǵanymen, qurǵaqshylyq ta áser etti. «Oral aýyl sharýashylyǵy tájirıbe stansasy» - oblysta elıtalyq tuqym daıyndaıtyn birden-bir sharýashylyq. Sonymen qatar gereford tuqymdy mal tólin de ósiredi.
Oblystyq aýyl sharýashylyǵy basqarmasy egin jáne tuqymdyq ınspektsııa bóliminiń basshysy Keńes Qaıdashev jýyrda elordada ótken agroforýmda habardar etilgenindeı, aldaǵy jyldyń 1 qańtarynan bastap tómengi normaǵa baılanysty jańa tetik engiziletinin, oǵan barlyq sharýashylyqtar qatysýy kerektigin jetkizdi. Sonymen qatar tuqym suryptaýdy jańartýǵa qatyspaǵan taýar óndirýshilerden jer telimderi keri alynatyn bolady.
Osyǵan deıin batysqazaqstandyq ýnıversıtette stýdentterge qyzmet kórsetý ortalyǵy ashylǵandyǵyn habarlaǵanbyz.
