«Oral» áýejaıynyń termınaly 1,5 mlrd teńgege jańǵyrtylmaq
ORAL. QazAqparat - «Oral» halyqaralyq áýejaıynyń termınaly 1,5 mlrd teńgege jańǵyrtylmaq. Bul týraly búgin «WestKazInvest-2017» IV halyqaralyq ınvestıtsııalyq forýmy barysynda «Oral» ÁKK» UK» AQ men «Oral» halyqaralyq áýejaıy» JShS arasynda kelisimge qol qoıylǵan kezde belgili boldy, dep habarlaıdy «QazAqparat» tilshisi.
«Oral» ÁKK» UK» AQ basqarma tóraǵasynyń orynbasary Artýr Dosqalıevtiń aıtýynsha, bıylǵy jyldyń sońyna qaraı termınaldy buzý jumystary bastalady. Termınal ýaqytsha halyqaralyq sektor ǵımaratyna kóshirilip, jolaýshylarǵa sonda qyzmet kórsetiledi. Termınaldy qaıta salý jumysy aldaǵy jyly bastalyp, 2019 jyly aıaqtaý kózdelýde. Qurylys bitkende, áýejaı aýmaǵy 6 myń sharshy metrge keńeıedi.
Eske sala keteıik, budan buryn respýblıkalyq bıýdjet qarjysyna áýejaıdyń ushý-qoný jolaǵy jańǵyrtylyp, keńeıtilgen bolatyn.
